Четириесет и тригодишна жена од Радовиш била лишена од слобода откако, според пријавеното, физички ја нападнала својата 72-годишна мајка во семејниот дом.
Од Министерството за внатрешни работи информираат дека на 18 август во 9:15 часот, полициски службеници од СВР Струмица – ОВР Радовиш ја привеле жената. Според пријавата, нападот се случил околу 5 часот наутро во семејниот дом во Радовиш.
72-годишната жена била спроведена во здравствена установа.
За настанот бил известен јавен обвинител, а од МВР информираат дека по целосното документирање на случајот ќе биде поднесен соодветен поднесок.
