Расчистена серија кражби во пет града: Полицијата приведе двајца осомничени

Полицијата расчисти серија тешки кражби извршени во пет града, а во рамки на истрагата се лишени од слобода две лица од Кочани.

— реклама —

Како што соопшти МВР, полициски службеници од ОВР Кочани и ОВР Виница ги лишиле од слобода В.З. (26) и Д.С. (43), двајцата од Кочани, поради сомнение дека се сторители на повеќе кривични дела.

— реклама —

Според досегашните сознанија, во текот на август и септември годинава двајцата се сомничат дека извршиле повеќе кривични дела на подрачјата на Кочани, Виница, Делчево, Македонска Каменица и Пробиштип.

Станува збор за седум тешки кражби во станбени и деловни објекти, три тешки кражби во обид во станбени и деловни објекти и патнички возила, како и едно кривично дело спречување на докажување, за кое се сомничи В.З.

— реклама —

Во рамки на преземените мерки, а по судска наредба, биле извршени претреси во домовите на осомничените. При претресите биле пронајдени и одземени предмети за кои постои сомнение дека потекнуваат од наведените кривични дела.

— реклама —

Од МВР информираат дека по целосното документирање на случаите, против двете лица ќе биде поднесена соодветна пријава.