Расчистени две кражби во Тетово, уапсени двајца осомничени

Полицијата расчисти два одделни случаи на кражби во Тетово, при што се лишени од слобода две лица осомничени за сторени кривични дела.

— реклама —

На 17 септември, во 12:00 и во 14:50 часот, во селото Порој и во Тетово, полициски службеници од СВР Тетово ги лишиле од слобода С.К. (27) од Порој и А.Ц. (19) од Тетово, поради сомнение дека сториле кривични дела „тешка кражба“ според член 236 од Кривичниот законик.

— реклама —

С.К. се сомничи дека во текот на ноќта меѓу 15 и 16 септември, со употреба на сила влегол во продажен објект во Тетово, сопственост на И.О. (52), од каде што одзел пари и повеќе производи.

— реклама —

Во вториот случај, Ш.А. (55) од Тетово пријавила дека А.Ц. со закана од нејзиниот малолетен син одзел пари.

— реклама —

Двете лица се задржани во полициска станица. По целосното документирање на случаите, против нив ќе бидат поднесени соодветни пријави.