Расчистено опожарувањето на влезната врата во Кисела Вода, приведен осомничен

Скопската полиција за само неколку часа го расчистила случајот со опожарената влезна врата од стан во Кисела Вода, при што е идентификуван и приведен осомничениот.

— реклама —

Од СВР Скопје соопштија дека е поднесена кривична пријава против Д.Т. (51) од Скопје поради основано сомнение дека сторил кривично дело „предизвикување општа опасност“ според член 288, став 1 од Кривичниот законик.

— реклама —

Случајот бил пријавен вчера околу 5 часот, кога било известено дека е опожарена влезната врата од стан во сопственост на 57-годишниот Х.С.

— реклама —

Полицајците од Единицата за внатрешни работи Кисела Вода веднаш презеле мерки за расчистување на случајот. По извршениот увид, анализата на видеоснимките и дополнително преземените активности, како можен сторител бил идентификуван Д.Т.

Тој бил лишен од слобода истиот ден. Во присуство на дежурен јавен обвинител и очевидец, кој го препознал како сторител, со него бил извршен службен разговор, при што биле обезбедени дополнителни сознанија за начинот на извршување на делото.