Расчистено убиството во Гостивар: убиениот е пукан со автоматска пушка, а најдено е и возилото

„Расчистено убиството во гостиварско Дебреше, лишени од слобода три лица“, објави министерот за внатрешни работи, Панче Тошковски и додава:

— реклама —

Полициски службеници од СВР Тетово попладнево (23.07.2024) лишија од слобода три лица и го расчистија убиството кое се случи денеска во гостиварско Дебреше околу 17.15 часот.

— реклама —

— реклама —

Веднаш по добиената пријава дека е пукано врз Р.К.(35) од Дебреше воспоставена е оперативна акција “обрач” за пронаоѓање и лишување од слобода на сторителите. По кратко време, сторителите се лишени од слобода и тоа Б.В.(28), Ј.В (31) и Љ.Б.(32), а пронајдена е и автоматската пушка од која е пукано, како и возилото “волво” со кое сторителите се одддалечиле од местото на настанот“.

— реклама —

По документирање на случајот, ќе биде поднесена кривична пријава до надлежното ОЈО.