Разбојници со пиштол му одзеле пари на 28-годишник во Илинден

Дваесет и осумгодишен жител на скопското село Арачиново пријавил во полиција дека бил физички нападнат и ограбен во населбата Илинден.

— реклама —

Според информациите од Министерството за внатрешни работи, Б.С. (28) на 6 јули во 15:00 часот пријавил во СВР Скопје дека нападот се случил два дена претходно, околу 20:45 часот.

— реклама —

— реклама —

Како што навел во пријавата, две лица физички го нападнале и го удирале со тврди предмети, при што едното од нив му се заканило со пиштол и му одзело пари.

— реклама —

Од МВР информираат дека се преземаат мерки и активности за целосно расчистување на случајот и пронаоѓање на сторителите.