Разбојништво и пет кражби: Приведен 22-годишник од Штип

Шест кривични дела извршени во текот на август и септември годинава во Штип се расчистени од страна на полицијата, при што е лишен од слобода 22-годишен жител на градот.

— реклама —

Од СВР Штип информираат дека полициски службеници го лишиле од слобода В.М. (22) од Штип, поради постоење основи на сомнение дека на различни локации во градот извршил шест кривични дела.

— реклама —

Според МВР, станува збор за едно кривично дело „разбојништво“, две кривични дела „тешка кражба на дрзок начин“, едно „тешка кражба“ од моторно возило и две кривични дела „кражба“ од моторно возило.

— реклама —

При преземањето на мерките, полициските службеници пронашле и одзеле предмети за кои постојат сомненија дека потекнуваат од наведените кривични дела.

— реклама —

По целосното документирање на случаите, против 22-годишникот ќе биде поднесена соодветна пријава.