Драгана Велковска, советничка од „Зелен хуман град“ во Град Скопје смета дека е издвојувана победа со промената на Тина Петрушевска од в.д. позицијата во јавното претпријатие „Лајка“. Таа смета дека ова е победа на активистите за заштита на животните. Велковска додава дека новиот в.д. директор е назначен со поддршка од сите скопски здруженија за заштита на животните.
„Од денес нов в.д. директор на ЈП Лајка е Војислав Димитровски кој на функцијата е назначен со поддршка од скопските здруженија за заштита на животните. Низ годините и покрај промените на многу различни партии ние сме покажале дека кога станува збор за нашата кауза – заштита на животните – застануваме обединети и остануваме принципиелни без оглед на сѐ. Војче поддршката ја доби поради својата коректна долгогодишна соработка со активистите и затоа што има темелни познавања од хумана контрола на бездомните животни. Но таа поддршка не е безусловна! Јасно кажавме дека очекуваме работење во согласност со законите и искрена отворена соработка со здруженијата бидејќи само на тој начин вистински и трајно ќе го затвориме прашањето со бездомните животни – и во корист на животните и во корист на луѓето. Искрени честитки за изборот од мене, очекувам во многу скоро време видливи резултати на улиците на Скопје“, напиша Велковска.
„Лајка“ доби нов директор
Градоначалничката на Град Скопје, Данела Арсовска го постави Воислав Димитровски за ВД директор на јавното претпријатие „Лајка“. Димитровски е предлог на здруженијата за заштита на животните, како најдобро решение за претпријатието што извршува дејност од посебен јавен интерес за хуман третман на бездомни кучиња и воспоставување на систем за контрола на популацијата на кучиња.Димитровски по професија е ветеринар, магистер во областа на ветеринарното јавно здравство, национален консултант на ФАО за благосостојба на животните, проект лидер на УНДП за решавање на проблемот со бездомните кучиња на територијата на Југозападниот реон на Македонија. Од Ветеринарната комора на Македонија е назначен како координатор за решавање на проблемот со бездомни кучиња на територијата на Македонија.Досегашната ВД директорка Тина Петрушевска е разрешена од функцијата.
Скопје | пред 4 години
