Речиси 200 грама кокаин пронајдени кај 18-годишник во Сингелиќ

Кривична пријава е поднесена против 18-годишен скопјанец откако при претрес во неговиот дом во Сингелиќ бил пронајден кокаин, соопшти Министерството за внатрешни работи.

— реклама —

Одделот за сузбивање на организиран и сериозен криминал – Секторот за криминалистички истраги и Единицата за недозволена трговија со дрога до Основното јавно обвинителство Скопје поднеле пријава против Д.В. поради постоење основи на сомнение за кривично дело „неовластено производство и пуштање во промет на наркотични дроги, психотропни супстанции и прекурсори“.

— реклама —

— реклама —

На 4 октомври, врз основа на наредба од Основниот кривичен суд Скопје, бил извршен претрес во домот, други простории и придружни објекти во Сингелиќ, каде што престојувал 18-годишникот.

При претресот биле пронајдени и одземени две пакувања со бела грутчеста материја. По извршеното вештачење во Одделот за форензички испитувања при МВР било утврдено дека станува збор за кокаин со нето-маса од 198,46 грама.