Речиси целосно обработени гласовите во Бугарија, разликата меѓу Јотова и Ѓуров е 42.826 гласа

Обработката на гласовите од претседателските избори во Бугарија е речиси завршена, а разликата меѓу првите две кандидатски двојки изнесува 42.826 гласа, покажуваат податоците на Централната изборна комисија.

— реклама —

Според пресекот од 9 часот на 26 октомври 2026 година, при обработени 99,94 отсто од записниците на секциските изборни комисии во регионалните изборни комисии, на првото место се Илијана Јотова и Кирил В’лчев со 528.753 гласа, односно 34,763 отсто од поддршката.

— реклама —

На второто место се Андреј Ѓуров и Георги Кандев со 485.927 гласа или 31,947 отсто. Трети се Костадин Костадинов и Петар Волгин со 190.812 гласа, односно 12,545 отсто.

— реклама —

Опцијата „Не поддржувам никого“ ја избрале 67.323 гласачи, што претставува 4,426 отсто од оние што гласале.

Според последните официјални податоци на Централната изборна комисија, излезноста до 16 часот во неделата изнесувала 15,95 отсто. До тој момент на гласање излегле 1.058.669 од вкупно 6.637.238 запишани избирачи.