Регулаторната комисија за енергетика штотуку ги соопшти новите цени на горивата кои ќе важат од полноќ. Цените на бензините останаа исти, но цената на дизелот се зголеми за половина денар. „Еуросуперот“ од 95 октани ќе се продава по цена од 69,50 денари за литар, а „еуросуперот“ од 98 октани по цена од 71,50 денар за литар.
Регулаторите меѓутоа ја зголемија цената на дизелот и на екстра лесното масло за домаќинство (ЕЛ-1) за 0,50 денари за литер. Така дизелот од полноќ ќе се продава по цена од 62 денари за литар, а екстра лесното масло за домаќинство (ЕЛ-1) по цена од 52 денари за литар.
Малопродажната цена, пак, на мазутот М-1 НС се зголемува за 1,163 дененари за килограм и ќе изнесува 35,343 денари за килограм.
