Денеска започна со работа новото реконструирано одделение, хронично машко одделение во сопственост на психијатриска болница Негорци. Се работи за одделение во коешто се сместени хронични машки пациенти со површина од околу 550 метри квадратни.
„Инвестиџијата на овој објект опфаќаше целосна реконструкција, односно реконструкција на кровот, целосната кровна површина, внатрешна целосна реконструкција, обнова на цела водоводна, одводна и електроинсталација, нови санитарни јазли и нови бањи, ново дворно место за рекреација на пациентите и напоредно со овој проект беше опфатена и реконструкција на судско одделение, односно на одделение на пациенти со изречена мерка за безбедност, кај што подот целосно беше сменет.
Ова беше последна фаза од реконструкциите кои што течат во последните 15 години во оваа болница. Вредноста на овој објект изнесува 16 милиони 200 денари“, изјави М-р Сашко Стојиловски, В.Д. директор на ЈЗУ Психијатриска болница Негорци.
