Меѓународниот фактор останува посветен на тоа земјата да испорача резултати во борбата со корупцијата и организираниот криминал, за што беше формирано и СЈО, велат аналитичари во пресрет на посетата од еврокомесарот Хан и американскиот висок дипломат Рикер.
Еврокомесарот Јоханес Хан в четврток, а американскиот висок дипломат Филип Рикер в петок ќе ја посетат земјава и ќе се сретнат со политичкиот врв. Тие доаѓаат во време кога во земјава актуелно е носењето на законот за јавно обвинителство со кое треба да се реши судбината на СЈО. Шефицата на ова обвинителство Катица Јанева, пак, е во оставка, а ОЈО отвори случај „Рекет“ во кој како дел од истрагата и се одземени телефони на специјалната обвинителка.
Според официјалната агенда, ќе се разговара за реформите поврзани со евроинтеграцијата на земјава и очекувањата наесен да биде одрен датум за почеток на пристапните преговори.
Тие ќе се сретнат со дел од функционерите во Владата, нема официјална потврда за средба со опозицијата, но со сигурност ќе имаат средба со осумте пратеници кои гласаа за уставните измени.
