Легендарниот актер Роберт Де Ниро признава дека двапати во својата кариера морал да се повлече од проекти среде снимање, затоа што едноставно не функционирале.
Првиот пат се случило во 1970-тите, кога го напуштил комичниот филм „Bogart Slept Here“, режиран од Мајк Николс. Иако бил на врвот на кариерата со улоги во „Улиците на злото“, „Кум II“ и „Таксист“, Де Ниро почувствувал дека улогата и атмосферата на сетот едноставно не се вистински. Снимањето траело околу две недели, а Де Ниро подоцна призна дека тоа било „ужасно искуство“. Во финалната верзија, неговата улога ја презел Ричард Драјфус.
Вториот пат Де Ниро го напуштил проектот „На ивицата на темнината“ по само една недела снимање. Неговото место го зазел Реј Винстон, додека главната улога ја презел Мел Гибсон. Причините за повлекувањето биле „креативни разлики“, според портпаролот на актерот, кој истакнал дека понекогаш едноставно проектите не успеваат.
Де Ниро истакнува дека одлуката да се повлече не е знак на слабост, туку резултат на искуство и препознавање кога нешто не функционира.
