Родителите на исчезнатото девојче се во Скопје, полицијата поседува и СМС-порака

Родителите на Енкеледа Чела, девојчето кое исчезна и последен пат е видено во Илинден, дошле во Скопје, дознава „Скопје1“. Со нив бил направен разговор од страна на полициските службеници кои ја водат истрагата. Интензивно се пребарува, се вршат разговори со блиски пријатели, како и со познаници со кои последен пат имала контакт.

— реклама —

„Скопје1“ дознава дека исчезнатата испратила и СМС-порака со содржина дека „ќе оди на другиот свет“. Детали од полицијата за спцифичните елементи од потрагата, не се откриваат. Потрагата е интензивирана, но нема детали кои се сомнежите и во која насока се проверките.

— реклама —

Полицијата добила пријава дека 21-годишната Енкеледа Чела од Албанија е исчезната. Оттаму посочуваат дека полицијата веќе има потрага по неа.

„На 30.03.2024 во ПО Петровец Г.Т. пријавила дека Е.Ч.(20) од Република Албанија се оддалечила од домот во Скопје каде престојува. Се преземаат мерки за пронаоѓање на лицето“, велат од МВР за „Скопје1“.

— реклама —

Според апелот, таа е облечена во фармерки и црна јакна, а со себе носела ранец.

— реклама —

„Поседен пат е видена во сабота сабајле на бензиска пумпа во населба Илинден. Доколку некој ја видел девојката ве молам пријавете во најблиската полициска станица“, стои во апелот.