Ролан Гарос го објави распоредот: Ѓоковиќ трет меч на „Филип Шатрие“

Новак Ѓоковиќ го дозна терминот за својот следен натпревар на Ролан Гарос, откако организаторите го објавија распоредот за мечевите што ќе се играат во петок.

— реклама —

Српскиот тенисер, кој и во претходното коло настапи во дневен термин, повторно нема да игра вечерен меч на париската земјена подлога.

— реклама —

Ѓоковиќ ќе се соочи со бразилскиот тенисер Жоао Фонсека во третиот меч на денот на централниот терен „Филип Шатрие“.

Натпреварот нема да започне пред 15:30 часот по македонско време.

— реклама —

Програмата на централниот терен стартува напладне со полското дерби меѓу Магда Линет и Ига Швјонтек, а потоа ќе играат Мира Андреева и Мари Бузкова.

— реклама —

Во вечерниот термин, кој започнува во 20:15 часот, ќе се сретнат францускиот тенисер Квентан Алис и вториот носител, Александар Зверев.