Романски борбен авион Ф-16 собори украински дрон над Естонија

Романски борбен авион Ф-16 Fighting Falcon утрово собори украински дрон над Естонија, изјави естонскиот министер за одбрана, Хано Певкур.

— реклама —

Според него, авионот бил на тренажен лет кога пилотите ја идентификувале целта и лансирале ракета воздух-воздух.

Дронот бил соборен над езерото Вирцјарв, а неговите остатоци паднале на полиња во селото Каблакула.

— реклама —

Како што пренесуваат медиумите, романскиот ловец бил стациониран во воздухопловната база Шауљај во Литванија, во рамки на мисијата на НАТО за контрола на воздушниот простор над балтичките земји.

— реклама —

НАТО потврди дека го истражува случајот и порача дека Алијансата е подготвена да одговори на сите потенцијални воздушни закани.

Естонската војска соопшти дека дронот влегол во воздушниот простор на земјата околу осум часот утрово.

— реклама —

Во меѓувреме, и Латвија издаде предупредување за воздушна закана откако дрон влегол во нејзиниот воздушен простор, по што беа мобилизирани и авиони на НАТО во регионот.