Ротердам ќе биде домаќин на 65 издание на „Песна на Евровизија“

Јубилејното 65-то издание на Изборот за песна на Евровизија ќе се одржи во Ротердам, соопшти денеска ЕБДУ. Во трката помеѓу холандските градови за организирање на Евровизија, Ротердам успеа да го победи конкурентот Мастрихт.

— реклама —

Полуфиналните вечери ќе се одржат на 12 и 14 мај, а големото финале на 16 мај во арената „Ахој“.

— реклама —

– Ротердам покажа голем ентузијазам и ангажман, а во исто време има права инфраструктура за да биде домаќин на делегации од повеќе од 40 држави, изјави извршниот продуцент на Песна на Евровизија, Јон Ола Санд.

— реклама —

— реклама —

За потсетување на овогодинешната Евровизија во Тел Авив, победи холандскиот пејач Данкан Лоренс.  Холандија првпат по 1975 година ќе биде домаќин на Песна на Евровизија, а до сега петпати беше организатор на музичката манифестација.