(Видео) РТВ призна пропусти во известувањето, уредникот поднесе оставка

Дневникот на Радио-телевизија Војводина (РТВ), емитуван во 17 часот, започна со извинување до гледачите поради долгогодишните пропусти во известувањето на јавниот радиодифузен сервис.

По емитувањето снимки од прославата на изборните резултати и собирот на граѓаните на Плоштадот на слободата во Нови Сад, водителот Горан Еро́р објасни дека станува збор за дел од настаните што телевизијата не им ги прикажала на гледачите во текот на претходната вечер.

— реклама —

„Јавниот сервис со години не ја исполнуваше својата функција. Се премолчуваше, се затвораа очите пред одредени појави, се известуваше еднострано и некритички, а вистинските прашања не се поставуваа или воопшто ги немаше. Поради тоа, им должиме извинување на гледачите“, прочита водителот.

Тој додаде дека дел од вработените во РТВ се бореле новинарите и уредниците да можат слободно да работат и да ги почитуваат етичките начела на професијата, но дека таа борба не дала резултати навреме.

— реклама —

View this post on Instagram

Поради случувањата, вршителот на должноста уредник на Првиот телевизиски канал на покраинскиот јавен сервис, Ненад Чачиќ, поднел оставка на барање на дел од вработените и генералниот директор Горан Караџиќ. На негово место е именуван Блажо Поповиќ, додека функцијата програмски директор ќе ја извршува Предраг Новковиќ.

— реклама —

Промената на главниот и одговорен уредник била едно од барањата на синдикатот „Независност“, кој уште пред една година предупредувал на нарушување на угледот на РТВ и на известување во корист на власта.

Претходно, главниот синдикален повереник на „Независност“ во РТВ, Дарко Шпер, ги потсетил вработените дека се должни да го почитуваат Кодексот на новинарите. На состанок во холот на телевизијата ги прочитал правилата за точно, објективно, целосно и навремено известување за настаните од јавен интерес, со почитување на правото на јавноста да ја дознае вистината.

„Значи, потребна ни е вистината“, истакнал Шпер.

Дневникот на РТВ во 17 часот го презема и Радио-телевизија Србија (РТС).