„Рубин Земон, човекот кој го негираше македонскиот идентитет се уште е член на Централниот одбор на СДС“, вели ВМРО-ДПМНЕ

ВМРО-ДПМНЕ преку сооопштение тврди дека Рубин Земон и понатаму е член на Централниот одбор на СДС, иако претходно соопштил дека се повлекува од Извршниот одбор на партијата.

— реклама —

Од партијата наведуваат дека Земон пролетва излегол во јавноста со ставови за Гоце Делчев и македонскиот идентитет, по што следувале критики кон него и кон раководството на СДС.

— реклама —

Како што тврди ВМРО-ДПМНЕ, по критиките Земон соопштил дека се повлекува од Извршниот одбор бидејќи не сакал да ѝ нанесе штета на партијата.

Од ВМРО-ДПМНЕ сега посочуваат дека Земон присуствувал на седницата на Централниот одбор на СДС, одржана во четвртокот вечерта.

— реклама —

„На Венко Филипче и СДС не може да им се верува за ништо“, наведуваат од ВМРО-ДПМНЕ, оценувајќи дека случајот покажува оти Земон и понатаму има партиска улога.

Од партијата упатуваат критики и кон политиката на СДС и претседателот на партијата Венко Филипче, тврдејќи дека со вакви постапки ја губат довербата кај граѓаните.