Руси гранатираа хотел во центарот на Харков, 11 повредени: маж во тешка состојба

Единаесет лица се повредени, од кои едно потешко, во руски ракетен напад врз хотел во центарот на Харков, изјави регионалниот началник Олег Синегубов.

— реклама —

Тој на апликацијата Телеграм напиша дека 35-годишен маж е во тешка состојба, а вкупно девет повредени се префрлени во медицински установи.

Меѓу повредените има и турски новинари, посочи Синегубов.

— реклама —

Фотографиите на социјалните мрежи покажуваат дека многу од прозорците на хотелот се скршени, а балконите се срушени.

— реклама —

Шефот на обвинителството во Харков, Олександр Филчаков, во видео објавено на Телеграм изјави дека 23 гости и осум членови на персоналот биле во хотелот кога руски проектили го погодиле објектот.

Градоначалникот на Харков Игор Терегов изјави дека се оштетени неколку куќи во областа, како и производствен погон и салон за автомобили.

Новинарите се сместени во хотелот, објави Ројтерс.