Руси испукале две ракети кон дански хеликоптер во меѓународни води

Во инцидент во меѓународни води во близина на данскиот брег, руска фрегата испукала две сигнални ракети кон дански воен хеликоптер, кои за малку не го погодиле леталото, соопшти данската војска.

— реклама —

Според Данската команда за одбрана, хеликоптерот бил на редовна мисија за фотографирање на руската фрегата кога се случил инцидентот. Сигналните ракети се пиротехнички средства што на море вообичаено се користат како предупредување или сигнализација.

— реклама —

Данскиот министер за одбрана Јепе Брус изјавил за телевизијата ТВ2 дека Данска ќе го повика рускиот амбасадор во Копенхаген на разговор поради инцидентот.

— реклама —

Случајот дополнително ги зголеми тензиите меѓу Данска и Русија, во време кога двете земји се наоѓаат во спротивставени безбедносни позиции.