Рускиот суд во Москва ги казни Телеграм и Гугл со вкупно околу 270.000 евра поради непочитување на обврската за отстранување содржини што се забранети во земјата.
Одлуката во средата ја донесе Окружниот суд Тагански, постапувајќи по тужби поднесени против двете технолошки компании.
На Телеграм му е изречена глоба од 18,4 милиони рубљи, што е околу 191.000 евра, додека Гугл е казнет со 7,6 милиони рубљи, односно приближно 79.000 евра.
Судот оценил дека платформите не го почитувале рускиот закон, кој наложува отстранување на содржини што се сметаат за забранети.
Ова не е првпат руските власти да преземаат санкции против големи интернет-платформи. Поради слични прекршоци и непочитување на домашното законодавство претходно биле казнувани и Инстаграм, Јутјуб, Икс и ТикТок.
Во исто време, руските власти и натаму ја одржуваат забраната за пристап до Телеграм на територијата на земјата.
