Германија остана без својот Генерален конзулат во Санкт Петербург, откако руското Министерство за надворешни работи донесе одлука за негово затворање. Потегот, според руските информации, е одговор на, како што се наведува, непријателските дејствија на Берлин.
Од зградата на конзулатот се отстранети германското знаме и знамето на Европската Унија, како и плочата со натписот на дипломатското претставништво.
Германските дипломати добиле рок до 18 септември да ја напуштат Русија, објави „Спутник“.
