Русија и Белорусија започнуваат со нуклеарни вежби со 64 илјади војници

Русија денеска започна тридневни нуклеарни воени вежби што вклучуваат лансирање балистички и крстосувачки ракети, соопшти руското Министерство за одбрана.

— реклама —

Во маневрите учествува и Белорусија, а во вежбите се вклучени подморници, авијација и копнени сили, пренесува Ројтерс.

Според соопштението на министерството, во вежбите учествуваат околу 64.000 војници и се користат 7.800 единици воена опрема.

— реклама —

Целта е увежбување на „подготовка и употреба на нуклеарните сили во случај на агресија“.

— реклама —

Министерството наведе дека во вежбите се вклучени руските ракетни сили, Северната и Пацифичката флота, далекусежната авијација, како и единици од Ленинградскиот и Централниот воен округ.

Ангажирани се повеќе од 200 ракетни лансери, 140 авиони, 73 воени бродови и 13 подморници, од кои осум се стратешки нуклеарни подморници.

— реклама —

Руското Министерство за одбрана додаде дека вежбите ќе опфатат и обука за користење на руското тактичко нуклеарно оружје распоредено во Белорусија.