Руското тело за надзор на телекомуникациите Роскомнадзор денеска соопшти дека презема казнени мерки против голем број странски компании.
Ова ги вклучува TikTok, Telegram, Zoom, Discord и Pinterest.
Роскомнадзор изјави дека мерките се одговор на тоа што компаниите не ја отстраниле содржината што руската служба ја означила како нелегална и ќе остане во сила додека не се усогласат, пренесува Ројтерс.
Не е прецизирано какви мерки ќе бидат преземени.
Се вели дека Русија постојано се заканувала дека ќе ги казни веб-страниците - вклучително и Гугл - за кршење на тешките нови закони кои го криминализираат „ширењето лажни информации за руската војска“.
Се додава дека руските судови во вторникот ја казниле американската услуга за стриминг Твич со два милиони рубли (33.000 долари) и услугата за пораки Телеграм со 11 милиони рубљи (179.000 долари) за кршење на законите за воена цензура.
