Русија не ја смета Македонија за напријателска држава, тврди министерот за надворешни работи на Русија, Сергеј Лавров. Според него, има само непријателски влади со помалку пријателски одлуки кои ги носат Владите. Лавров порача дека има пријателски односи со македонскиот народ.
„Нема непријателски држави и народи, има влади кои се непријателски. Владите носат одлуки, кои се помалку пријателски. Многу години одам во Охрид, фантастичен град. Амбасадорот ми кажа дека во Охрид се затворале цркви бидејќи немало доволно луѓе. Кажав дека убаво се чувствувам тука“, кажа Лавров.
Укажа дека се чувствува пријатно кога во прашање е македонскиот народ.
„Имаме пријателски чувства кон македонскиот народ. Овде сум два дена, го гледам вашиот народ по улиците, во хотелот. Можам да ја почувствувам нивната топлина, но и нашата кон вас“, додаде Лавров.
