Русија предупредува: Украинските напади би можеле да го запрат извозот на жито преку Црното Море

Рускиот синдикат на извозници на жито предупреди дека украинските напади со беспилотни летала врз руски бродови и пристаништа би можеле да доведат до прекин на извозот на жито преку Црното Море.

— реклама —

Според соопштението на синдикатот, систематските напади, кои започнале во јули, наскоро би можеле целосно да ги блокираат извозните коридори во црноморскиот регион.

— реклама —

Оттаму тврдат дека испораките на руска пченица кон голем број земји оваа сезона би можеле да се намалат за 30 до 35 милиони тони, што претставува околу 15 проценти од вкупната светска трговија со пченица. Според нив, таквиот недостиг не може лесно да биде надоместен со зголемен извоз од други земји.

— реклама —

Рускиот синдикат оценува дека евентуалните прекини на испораките преку Црното Море би претставувале директна закана за глобалната безбедност на храната, особено за земјите во Африка и на Блискиот Исток, кои зависат од увоз на жито.

— реклама —

Русија е најголемиот светски извозник на пченица, додека Украина е меѓу водечките извозници на земјоделски производи. Во изминатите недели двете земји меѓусебно напаѓаат инфраструктура и комерцијални бродови во Црното Море.