Украинските власти утринава известија за експлозии на североистокот, југот и западот на земјата, за време на новиот бран руски ракетни напади во кои, како што соопшти Киев, биле оштетени објектите на електричната мрежа. Експлозии се слушнале во украинскиот град Харков, изјави градоначалникот Ихор Терехов преку апликацијата за пораки Телеграм, како и во регионот Запорожје, според гувернерот Иван Федоров, исто така на Телеграм.
Гувернерот на западниот регион Лавов, Максим Козицки, на Телеграм изјави дека во областа работи противвоздушната одбрана. Украинскиот министер за енергија Херман Халушченко изјави на Телеграма дека нападите биле насочени кон постројки за производство и дистрибуција на електрична енергија во регионите Харков, Запорожје, Лавов и Киев.
