Русија тврди дека нападнала четири украински брода и пристаништето Чорноморск

Руското Министерство за одбрана соопшти дека неговите сили извршиле напади врз четири украински брода и врз пристаништето Чорноморск.

— реклама —

Според тврдењата на Москва, погодени биле три брода во пристаништето Миколаив и еден брод во Црното Море, во близина на Одеса. Од Министерството наведуваат дека пловилата биле користени „во интерес на украинската војска“.

— реклама —

— реклама —

Русија соопшти и дека бил извршен напад врз пристаништето Чорноморск, при што, според нејзините информации, биле погодени контејнерски терминал и складиште во кое се наоѓале беспилотни летала и нивни компоненти.

Агенцијата „Ројтерс“ наведува дека не можела независно да ги потврди тврдењата на руското Министерство за одбрана.