Руски напад врз село во Запорожје: загина тинејџер, повредено цело семејство

Русија денеска го нападна селото Новојаколивка во Запорожката област, при што животот го загуби тинејџер, а најмалку шест лица беа повредени, соопштија украинските власти.

— реклама —

— реклама —

Меѓу повредените се и сестрата и братот на загинатиот, како и нивните родители. Во експлозијата беа уништени и оштетени повеќе семејни куќи.

— реклама —

— реклама —

„Русија од првиот ден на војната не ги промени своите цели. Нејзините вистински постапки – убивање и ранување цивили, разурнување на семејства, уништување на домови и цивилна инфраструктура – зборуваат погласно од сите зборови. Убиствата мора да престанат. САД, Европа и останатите партнери на Украина имаат моќ еднаш засекогаш да ја принудат Русија да ги прекине нападите“, порача украинското Министерство за надворешни работи.