Обвинетите не се мали деца за да можат да бидат изманипулирани, јас со вакво тврдење апсолутно не се согласувам и очекувам судот да ги цени материјалните докази, изјави обвинителката Вилма Русковска по сведочењето на премиерот Зоран Заев со кое тој тврди дека Миле Јанакиески, Спиро Ристовски, Трајко Вељановски и другите на кои им се суди не се виновни, туку дека тие биле изманипулирани од главниот организатор Никола Груевски.
-Апсолутно не се сложувам дека биле изманипулирани, обвинетите не се малолетни лица за да може било кој да ги изманипулира, особено што долги години беа на едни од највисоките функции во државата.
Јас искрено се надевам дека судот ќе ги цени како материјалните докази предложени од обвинитлеството и одбраната и изјавите на сведоците и дека ќе донесе правилна и законита одлука, рече Русковска.
