Синдикалната организација на Фондот за здравствено осигурување при Синдикатот за администрација и државна управа на Македонија – САДУ реагира на новонастанатата ситуација во Фондот за здравствено осигурување.
Ние како репрезентативен синдикат во институцијата ги подржуваме барањата на синдикатот на УПОЗ за поголеми плати и потпишување на нов колективен договор.
САДУ секогаш се залага за поголеми плати на вработените во јавниот сектор и бара поодлучнa и порадикална акција за остварување на правата на вработените во јавниот сектор, пред се, уставно загарантираното право – правото на заработувачка.
Ние нема да застанеме на бесконечни и бесцелни преговори туку напротив ќе преземеме радикални мерки, не исклучувајќи го и штрајкот.
Го повикуваме синдикатот на УПОЗ и сите вработени во ФЗО да истраеме заеднички во борбата за пристојна плата и пристојни работнички права.
Бидејќи вработените во ФЗОМ не земаа плата навремено, а исто така платата не беше навремено исплатена и во други институции, се надеваме дека во оваа ситуација нема скриена позадина, бидејќи Министерот за информатичко општество и администрација, Дамјан Манчевски, изјави дека доколку институциите не се ажурираат во Информациониот систем за пополнување со човечки ресурси, нема да земаат плата, за чие пополнување има еден или ниту еден извршител во рамките на институциите, се вели во соопштението од Синдикат на администрација и државна управа на Македонија.
