Едно од голф летувалиштата на претседателот Доналд Трамп во Флорида ќе биде домаќин на Самитот на Г-7, што ќе се одржи од 10 до 12 јуни 2020 година, соопшти Белата куќа. Од Белата куќа соопштуваат дека претседателот „нема да профитира од настанот“.
Досега кога САД биле домаќини на Г7, самитот се одржувал во Порторико, Вилијамсбург, Денвер, Хјустон, Морскиот остров во Џорџија и Камп Дејвид.
Она што универзално веднаш беше прогласено за конфликт на интереси, доаѓа во време кога Доналд Трамп го обвинува семејството на Џо Бајден дека го искористило мандатот на поранешниот потпретседател за лична корист.
фото: вјести.рс
