„СДС и Левица настапуваат синхронизирано, ставовите на Венко Заев денес се утрешни ставови на Апасиев“, вели Манасиевски

На денешната прес-конференција, портпаролот на партијата Валентин Манасиевскиобвини дека СДС и Левица настапуваат координирано во однос на измените на Изборниот законик и дека заеднички го блокираат неговото донесување.

— реклама —

Манасиевски изјави дека, според ВМРО-ДПМНЕ, ставовите на СДС и Левица се усогласени.

— реклама —

„Ставовите на Венко Заев денес се утрешни ставови на Апасиев, односно она што го вели СДС, утредента го повторува политичката партија Левица“, рече Манасиевски.

Тој оцени дека веќе се потврдува договор за координирано дејствување меѓу двете партии во врска со блокирањето на новиот Изборен законик и додаде дека нивните ставови, според него, не се разликуваат, туку се надополнуваат.

— реклама —

Манасиевски посочи дека и СДС и Левица се противат на предлогот за поедноставување на гласањето на македонската дијаспора, оценувајќи дека нивната цел е да го спречат проширувањето на правото на глас на иселениците и да создадат нови пречки во изборниот процес.

— реклама —

Од ВМРО-ДПМНЕ велат дека ќе продолжат да се залагаат за донесување на Изборниот законик со широк политички консензус, спроведување на реформите и овозможување на македонската дијаспора полесно да го оствари своето право на глас.