„СДС и Венко прво да научат кој е надлежен за банките во државата, а одма по тоа да излезат од шаблонот за криминал на Заев“, вели ВМРО-ДПМНЕ

ВМРО-ДПМНЕ преку соопштение упати критики до СДСМ и Венко Филипче поради нивните реакции за состојбата со Алта банка, обвинувајќи ги дека не ги познаваат надлежностите на институциите и дека се обидуваат да создадат паника кај граѓаните.

— реклама —

Од партијата посочуваат дека Народната банка и гувернерот се надлежни за носење одлуки во рамките на своите овластувања во банкарскиот систем. Притоа, оценуваат дека СДСМ нема кредибилитет да дава изјави за случајот, кој го опишуваат како проблем поврзан со увезени околности.

— реклама —

ВМРО-ДПМНЕ тврди дека СДСМ се обидува да создаде погрешна претстава дека проблемот со Алта банка може да се прошири и врз другите банки, иако, според партијата, надлежните институции отворено ја информираат јавноста и работат на решение. Во соопштението се наведува и дека гувернерот порачал оти граѓаните нема да бидат оштетени.

Од ВМРО-ДПМНЕ обвинуваат дека претставници на СДСМ преку телевизиските настапи однапред подготвено шират паника и ги извртуваат изјавите во јавноста. Партијата прави паралела со случајот „Еуростандард“, наведувајќи дека СДСМ и понатаму постапува според, како што велат, политичката матрица од времето на Зоран Заев.

— реклама —

Во реакцијата, ВМРО-ДПМНЕ го обвинува СДСМ дека со ваквите настапи се обидува политички да профитира од тема од јавен интерес и дека придонесува за создавање чувство на нестабилност.

— реклама —

Од партијата порачуваат дека СДСМ треба да престане со политичките напади, бидејќи надлежните институции веќе работат на решавање на проблемот.