Реконструкцијата на Универзална сала со месеци стои закочена поради неспособноста на градоначалничката на ВМРО-ДПМНЕ Данела Арсовска, вели СДСМ
„Наместо реализација на проектот за кој Владата има дадено 2 милиони евра на Град Скопје, Арсовска се обидува со лага да ја оправда својата неработа.
Нејзините невистини ги демантираа и градежниците. Проектот за Универзална е стручен и безбеден, има добиено позитивно мислење од Институтот за земјотресно инженерство и инженерска сеизмологија, од Градежниот факултет, а надзорот ги одобри сите градежни зафати.
За овие 4 месеци и колку што е градоначалничка, Арсовска требаше да ја заврши оваа фаза од проектот, а не да измислува празни оправдувања.
Данела Арсовска да престане да измислува оправдувања и да го заврши овој важен проект за скопјани, но и за целата држава.
Градоначалничката на Скопје да не ги потценува граѓаните туку да почне да го работи она за што ја добила довербата – да реализира проекти во интерес на Градот“, се вели во соопштението.
