Најавите на ВМРО-ДПМНЕ дека пратениците од нивните редови ќе гласаат против потврдувањето на одлуките за прогласување на вонредна состојба само ја потврдуваат деструктивноста и неодговорноста на оваа партија.
ВМРО-ДПМНЕ предводена од неодговорниот Христијан Мицкоски се води единствено од евтин политички популизам и воопшто не се грижи за интересите на граѓаните и државата, се вели во соопштението од СДСМ.
Вонредната состојба беше прогласена исклучиво во интерес на граѓаните. Таа беше неопходна за брзо делување на Владата и институциите за поефикасна борба против коронавирусот и заштита на јавното здравје.
Во време на распуштено Собрание и преодна Влада со мандат за спроведување избори, бонредната состојба на извршната власт и овозможи креирање на закони за поголема ефикасност во носење мерки и политики за справување со последиците од Ковид 19 и заштита на здравјето на граѓаните.
Гласањето против одлуките за прогласување на вонредна состојба, е чин против интересите на граѓаните, против институциите.
ВМРО-ДПМНЕ предводенa од Мицкоски останува посветени на деструкција, неодговорно и незрело однесување. За тоа се казнети од граѓаните и затоа остануваат уште долго во опозиција, се вели во соопштението од СДСМ.
