СДСМ: Градиме по план, се реконструира булеварот Крсте Петков Мисирков во двата правци

Општинската власт во соработка со Град Скопје постојано работи на реконструкција и санација на значајните сообраќајници во општина Чаир.  Во моментов се работи на реконструкција на булеварот Крсте Мисирков кај Бит-пазар. Реконструкцијата на булеварот Крсте Мисирков опфаќа должина од 1.350  метри во двете насоки, а претставува дел од интензивните градежни активности на Град Скопје за подобрување на сообраќајната инфраструктурата, се вели во соопштението од СДСМ.

— реклама —

Градежните работи се изведуваат со засилено темпo, булеварот се асфалтира непрекинато и во вечерните часови со цел брзо и рекордно завршување на градежните активности.

— реклама —

Подобрувањето на патната инфраструктура е елементарна потреба и во полза на нашето квалитетно движење и подобрување на условите за живот.

— реклама —

Градската власт предводена од Социјалдемократскиот сојуз и градоначалникот Петре Шилегов продолжува со исполнување и реализација на дадените ветувања, но и останува целосно фокусирана на развој и унапредување на инфраструктурата во општина Чаир.

— реклама —

Продолжуваме понатаму со исто темпо во создавање и изградба на безбедна патна инфраструктура, се вели во соопштението од СДСМ.