СДСМ: Измените на Законот за јавни набавки отвораат простор за корупција и договори без тендер

СДСМ остро реагираше на донесувањето на измените на Законот за јавните набавки, обвинувајќи дека новите законски решенија отвораат простор за корупција, договарање без тендери и намалување на контролата врз трошењето на јавните пари.

— реклама —

Од партијата велат дека владејачкото мнозинство ги изгласало измените и покрај, како што оценуваат, сериозните коруптивни ризици. Особено спорни за СДСМ се зголемувањето на вредносните прагови за набавки под законските прагови и укинувањето на обврската за претходно мислење од Бирото за јавни набавки при одредени постапки со преговарање без објавување оглас.

— реклама —

Од СДСМ предупредуваат и на зголемувањето на надоместоците за жалбените постапки, оценувајќи дека тоа може да им го отежне пристапот до правна заштита на компаниите што сакаат да оспорат одредена набавка.

Партијата претходно поднесе околу 2.000 амандмани со намера да го блокира донесувањето на законските измени. Лидерот на СДСМ, Венко Филипче, тврдеше дека предложените решенија ќе овозможат поголемо трошење јавни средства без тендер и ќе ја намалат контролата врз постапките.

— реклама —

Од друга страна, предлагачот на законските измени образложи дека укинувањето на претходното мислење од Бирото ќе биде проследено со задолжително известување за доброволна претходна транспарентност, како механизам за увид и контрола.

— реклама —

СДСМ, сепак, останува на ставот дека новите законски решенија носат сериозни ризици од корупција и злоупотреба на јавните средства.