СДСМ: Мицкоски ја внесе Алта банка во Македонија, а сега се обидува да ја префрли одговорноста

СДСМ го обвини премиерот Христијан Мицкоски дека заедно со ВМРО-ДПМНЕ ја штити Алта банка и нејзиниот сопственик Давор Мацура, тврдејќи дека актуелната власт е одговорна за влезот на српската банка во Македонија. Ова на прес-конференција го изјави Маја Серафимовска-Борозан.

— реклама —

Од СДСМ велат дека документот од „Службен весник“ од јуни 2023 година, кој според нив се користи за поврзување на претходната влада со влезот на Алта банка, е погрешно претставен.

Серафимовска-Борозан објасни дека станувало збор за пакет од 7.213 акции, односно околу 1,85 проценти од капиталот на Стопанска банка АД Битола, кои државата ги конфискувала од Сашо Мијалков и фирмата „Ексико“ по правосилната пресуда за случајот „Империја“.

— реклама —

Според неа, одлуката од 6 јуни 2023 година била законска постапка со која на Агенцијата за управување со одземен имот ѝ била дадена согласност да ги продаде запленетите акции, со цел средствата да влезат во државниот буџет. Таа тврди дека акциите не биле продадени за време на мандатот на СДСМ, ниту Алта банка тогаш била присутна во земјава.

— реклама —

Од партијата наведуваат дека влезот на српската банка и преземањето на Стопанска банка се случиле во есента 2025 година, за време на актуелната влада, додека запленетиот пакет акции бил продаден на Алта банка во јануари 2026 година за околу 375.000 евра.

Трајко Славески му даде дозвола, јавно призна, во консултација со Мицкоски. Парите на јавните претпријатија и на граѓаните завршија таму исто така со одлука на владата на Мицкоски.  Сега кога во Србија се отвораат истрагите, ВМРО-ОКГ се обидува да го заташка скандалот. Нема да помине. СДСМ поднесе кривични пријави против гувернерот и против сите инволвирани.  Следува одговорност! рече Серафимовска-Борозан.

— реклама —

Таа соопшти дека СДСМ поднела кривични пријави против гувернерот и други лица за кои смета дека се инволвирани.