СДСМ: На годишно ниво бројот на работници во индустријата е зголемен за 5,9 отсто

„По растот на индустриското производство, уште еден економски показател ја потврдува успешноста на економските мерки на Владата предводена од СДСМ.

— реклама —

Според податоците на Државниот завод за статистика, бројот на работници во индустријата во декември 2018 е зголемен за 2,5 отсто во споредба со декември 2017 година.

— реклама —

На годишно ниво бројот на работници во индустријата во 2018 е зголемен за 5,9 отсто во однос на 2017 година.

Успешните економски политики, реализираните мерки како и зголемената поддршка кон домашните компании придонесоа за намалување на невработеноста на 20,8 отсто.

— реклама —

Со влезот во НАТО и забрзувањето на интеграцијата во ЕУ овие параматри дополнително ќе се интензивираат, со интенција невработеноста да опадне на историски минимум под 20 отсто.

Владата предводена од СДСМ останува посветена на заложбите за обезбедување нови работни места, зголемени инвестиции, повеќе пари и повисок животен стандард за сите граѓани“, се вели во соопштението на СДСМ.