СДСМ: На прав пат сме, САД го ратификуваа Протоколот за пристапување, Северна Македонија - 30 земја членка на НАТО

Автор: Скопје1.мк

објавено пред 6 години - 23 октомври, 2019

Сенатот на САД вчера со огромно мнозинство, 91 глас за и само 2 против, го ратификуваше Протоколот за пристапување на Република Северна Македонија во НАТО. Со тоа преостануваат уште ратификации од уште само 4 земји членки, до официјално пристапување во НАТО. Република Северна Македонија е на прав пат. Се остварува врвен стратешки и национален интерес поставен од денот на независноста - полноправно членство во НАТО Алијансата, се вели во соопштението од СДСМ.

— реклама —

Членството во НАТО гарантира безбедност и стабилност на државата и трајно осигурување на нејзините граници. Истовремено, членството во НАТО значи и повеќе инвестиции, стабилна економијата, нови работни места и повеќе пари во секое семејство.

— реклама —

СДСМ продолжува со политиките што обезбедуваат развој, напредок и интеграција. Остануваме посветени на реализација на мерките што овозможуваат економски раст, нови работни места и повеќе пари кај секој граѓанин, се вели во соопштението од СДСМ.

Сподели