СДСМ обвинува: Постои „платформа“ за внатрешно рушење, зад неа стои ВМРО-ДПМНЕ

Портпаролката на СДСМ, Богданка Кузеска, обвини дека постои организирана „платформа“ за внатрешно рушење на партијата, за која, според неа, стои ВМРО-ДПМНЕ.

— реклама —

Кузеска изјави дека по, како што рече, разоткривањето на бизнис мрежи во енергетиката поврзани со власта, следувал координиран обид за дефокус и дестабилизација на СДСМ одвнатре.

— реклама —

„Фатени во криминални скандали и без резултати, ВМРО-ОКГ се обидува да ја руши СДСМ одвнатре. Таканаречената ‘Платформа’ е осмислена токму за таа цел“, изјави Кузеска.

Таа додаде дека, според анкети за кои тврди дека потекнуваат од самото ВМРО-ДПМНЕ, власта бележи пад на поддршката, додека СДСМ има раст на рејтингот.

— реклама —

Од СДСМ порачуваат дека партијата останува обединета и дека обидите за нејзино внатрешно разнебитување нема да успеат.

— реклама —

„СДСМ има нова сила и нова енергија. Ќе продолжиме да ја објавуваме вистината за криминалите на власта и да се бориме против, како што велиме, криминалната власт на Мицкоски и ВМРО. Сите ќе одговараат“, истакна Кузеска.