СДСМ поднесува кривична пријава за Алта банка, вели Филипче

Претседателот на СДСМ, Венко Филипче, најави дека партијата ќе поднесе кривични пријави поврзани со случајот со Алта банка, обвинувајќи ја власта за обид да се избегне одговорност и да се заташка скандалот.

— реклама —

Филипче тврди дека треба да се испитаат сметките, трансакциите, потеклото на капиталот и наводните врски со криминалниот клан на српскиот претседател Александар Вучиќ. Според него, треба да се утврди и кој ги потпишал документите и во чии интереси биле донесени одлуките.

— реклама —

Тој најави дека кривичните пријави ќе се однесуваат на влезот на Алта банка, како и на наводните притисоци, сметки, трансфери и средствата на граѓаните и јавните претпријатија.

Филипче оцени дека претходните пријави од премиерот Христијан Мицкоски и гувернерот Трајко Славески против опозицијата се резултат на паника и порача дека СДСМ ќе бара одговорност и истрага за случајот.

— реклама —

— реклама —