СДСМ: После деценија уназадување, Република Северна Македонија тргна напред

Осум земји членки го ратификуваа протоколот за членство во НАТО, одиме напред, граѓаните ќе изберат претседател кој обединува и води кон НАТО и ЕУ Нашата земја го доби своето заслужено место, седна на масата во НАТО алијансата, се вели во соопштението од СДСМ.

— реклама —

Со Романија и Литванија, веќе вкупно 8 земји членки на НАТО го ратификуваа протоколот за полноправно членство.

После деценија уназадување, Република Северна Македонија тргна напред. Влезот во НАТО не значи само безбедност и стабилност, нешто што е исклучително важно за нас, туку значи напредок, силна економија, подобар живот за сите и отворени перспективи за младите.

— реклама —

Рекордниот раст на инвестициите од над 624 милиони евра е индикатор дека безбедноста, стабилноста и интеграциите ја зголемуваат доверба кај компаниите. Инвестициите носат повеќе пари, нови и подобро платени работни места, подобар животен стандард.

— реклама —

Како напредуваме во интеграциите, во членството во НАТО и ЕУ, така се повеќе бенифиции ќе добиваат граѓаните, државата.

Не смееме да застанеме, Република Северна Македонија мора да продолжи напред, силна и обединета околу вистинскиот пат, патот на интеграциите. Граѓаните добро знаат што значи уназадување, изолација и враќање назад, го чувствуваа тоа 10 години под режимот на ВМРО- ДПМНЕ.

— реклама —

На престојните претседателски избори граѓаните ќе изберат претседател кој обединува, кој ќе води напред кон ЕУ и НАТО, ќе го изберат Стево Пендаровски, вистински претседател за сите граѓани, велат од СДСМ во денешното соопштение.