СДСМ повторно се фали со покачени плати, овој пат во градинките

„Владата предводена од СДСМ и Министерството за труд и социјална политика продолжуваат со реализација на мерките што се во интерес на граѓаните и даваат реални резултати.

— реклама —

Со исплатата на јунската плата, стручниот кадар во градинките доби зголемување во просек од 16 отсто што е околу 3.000 денари во нето износ по вработен.

Зголемувањето на платите се прави согласно Законот за вработените во јавниот сектор и со него се опфатени над 3.100 вработени, односно воспитувачи, негователи, стручни работници и стручни соработници-педагог, психолог, логопед, дефектолог и други за вршење на работи поврзани со дејноста згрижување и воспитување на деца од предучилишна возраст“, соопштуваат од СДСМ.

— реклама —

„Истовремено се зголемуваат и платите на помошно техничкиот персонал во градинките, покачување што е усогласно со Колективниот договор.

— реклама —

Со планираното покачување од 5 отсто во септември годинава вработените во детската заштита ќе добијат уште едно зголемување со што вкупното покачување на платите ќе биде 21 отсто што е најголемо до сега.

Во изминатите две години отворени се 24 нови градинки, а досега се обезбедени 1.400 согласности за вработувања во градинките.

— реклама —

Владата предводена од СДСМ и ресорното министерство продолжуваат да вложуваат во подобрување на условите за работа во детската заштита и да спроведуваат мерки за унапредување на раниот детски развој којшто е клучен за понатамошниот развој на секое дете“, се вели во соопштението на СДСМ.