„По директна наредба на Зоран Заев, а во координација на голем број провладини медиуми се извртува вчерашното интервју на потпретседателот на ВМРО-ДПМНЕ, Александар Николоски за Фактор магазин. Се вади половина реченица без да се каже што било прашањето, кој е контекстот како и без да се пренесе целосно одговорот. Тоа е позната методата која се вика спин!
Денес на тој спин СДСМ прави прес конференција како продолжение на голем број нарачани медиумски „анализи".
ВМРО-ДПМНЕ потенцира дека подобар договор беше можен да не го потпишеа уценетите Заев и Димитров најлошиот возможен договор!
Подобар договор се уште е можен доколку Заев утре ја запре процедурата во Собрание и даде оставка. Нова Влада на ВМРО ДПМНЕ посветено и чесно може да направи подобар договор. Но доколку тоа Заев не го направи одговорноста е кај него и Димитров за овој договор и истата ќе ја носат со себе целиот живот.
Ниту една пропаганда, ниту еден спин, нема да им помогне да го избришат предавството.
Овој спин е свесно направен со цел да се сокрие содржината на уставните амандмани која денес се објави, а со која за жал целосно се обесчестува Македонија. Ние пред референдумот баравме да се објави содржината. Сега гледаме зашто Заев и Димитров не ја објавија.
Предавството кое го направија ќе им стои и тежи цел живот“, се вели во соопштението од ВМРО-ДПМНЕ
