СДСМ: „Safe City“ се претвори во „unsafe“ – голема измама и доказ дека системот лесно се злоупотребува

СДСМ обвини дека граѓаните добиваат лажни пораки поврзани со системот „Сејф сити“, кои содржат измами и фишинг линкови, оценувајќи дека станува збор за сериозен безбедносен пропуст.

— реклама —

Од партијата велат дека појавата на вакви измами е доказ дека системот, кој Владата го промовираше како безбеден, може лесно да се злоупотребува. Според нив, доколку институциите не се способни да го заштитат од вакви напади, тогаш постои ризик од негова употреба и за политички цели.

— реклама —

СДСМ посочува дека уште од самиот почеток се спротивставувала на воведувањето на „Сејф сити“, предупредувајќи дека без соодветен закон за контрола на податоците, системот може да прерасне во алатка за следење и контрола на граѓаните и опозицијата.

— реклама —

Во соопштението се критикува и укинувањето на техничката влада, за кое од партијата тврдат дека овозможило намалена контрола врз институциите и поголем простор за злоупотреби.

— реклама —

СДСМ оценува дека наместо проект за зголемување на безбедноста, „Сејф сити“ се претвора во средство за политичка контрола, додавајќи дека, како што велат, „доаѓа времето на вистината, правдата и одговорноста“.