Гордана Сиљановска, исто како Христијан Мицкоски, зборува секој ден дека Република Северна Македонија нема да добие датум за преговори со ЕУ, во јуни, велат од СДСМ.
„Исто како Мицкоски и Сиљановска не сака да добиеме датум за преговори со ЕУ.
Јасно е, Сиљановска е против напредокот на земјата.
Нејзините желби, како оние на Мицкоски, Иванов и Груевски, нема да се остварат.
Република Северна Македонија тргна напред и враќање назад нема да има.
Сиљановска, Мицкоски и Иванов треба да знаат дека и покрај опструкциите и блокадите, Република Северна Македонија ќе продолжи да чекори напред, ќе добие датум за преговори со ЕУ и ќе биде полноправна членка на Унијата.
Граѓаните ќе изберат претседател кој ќе гледа и ќе води напред, ќе го изберат Стево Пендаровски“, се вели во соопштението.
